Bo'lim

Sirtqi boʻlim vazifalari:

Oʻquv jarayonini tashkil etish: Sirtqi taʼlim shakli boʻyicha tahsil olayotgan talabalar uchun oʻquv jarayonini tegishli normativ-huquqiy hujjatlar, davlat taʼlim standartlari va oʻquv rejalari asosida rejalashtirish va muvofiqlashtirish.

Masofaviy va auditoriya darslarini muvofiqlashtirish: Sirtqi taʼlimning oʻziga xos xususiyatlaridan kelib chiqqan holda masofaviy taʼlim platformalari orqali oʻquv mashgʻulotlarini tashkil etish, shuningdek, anʼanaviy oʻquv jarayonlari (auditoriya darslari va imtihon haftaliklari) jadvalini tuzish va ijrosini taʼminlash.

Talabalar bilan ishlash va hisobotni yuritish: Sirtqi boʻlim talabalarining kontingentini shakllantirish, kurslar kesimida hisobotni yuritish, ularning buyruqqa chiqarilishi (oʻqishga qabul qilish, kursdan kursga koʻchirish, bitirish) bilan bogʻliq hujjatlarni rasmiylashtirishda qatnashish.

Imtihon jarayonlarini nazorat qilish: Sirtqi taʼlim talabalarining oraliq, yakuniy va davlat attestatsiyasi sinovlarini belgilangan tartibda, shaffof va adolatli oʻtkazilishini taʼminlash hamda nazorat qilish.

Metodik va axborot koʻmagi: Sirtqi taʼlim olayotgan talabalarga fan dasturlari, oʻquv-metodik qoʻllanmalar, elektron resurs va platformalardan foydalanish boʻyicha maslahatlar berish hamda amaliy yordam koʻrsatish.