Mehnat va ijtimoiy munosabatlar Akademiyasi Qabul komissiyasining qaroriga ko‘ra, joriy yilning 1 avgustidan test sinovlari boshlandi. Imtihonlar Akademiya binosida, dushanba-juma kunlari soat 10.00dan 16.00gacha bo‘lib o‘tmoqda. Test sinovlari jarayonida abiturientlar va ularning ota-onalari uchun shart-sharoitlar yaratib berilgan.
Kirish test sinovlarida foydalaniladigan matematika, biologiya va huquq fanlaridan o‘zbek va rus tillarida test topshiriqlari ishlab chiqildi. Ushbu test topshiriqlari abiturientlarning mantiqiy fikrlashi, masala va misollarni bajara olish qobiliyati va ta’limning keyingi bosqichiga tayyorgarligini baholashga yo‘naltirilgan hamda umumiy o‘rta ta’lim tizimidagi fanlarning o‘quv dasturlariga moslashtirilgan.
Ishlab chiqilgan test topshiriqlari Akademiyaning 1-kurs talabalari, professor-o‘qituvchilari tomonidan aprobatsiyadan o‘tkazildi.
