Bugun, 2024-yil 29-may kuni Mehnat va ijtimoiy munosabatlar akademiyasida intellektual o‘yin g‘oliblarini taqdirlash marosimi bo‘lib o‘tdi. Unda 12 ta jamoa ishtirok etib, murakkab masalalarni yechishda o‘z bilim va zukkoliklarini namoyish etishdi.
G'alaba uchun kurash shiddatli kechdi, ammo yakunda MIMA Team jamoasi g'alaba qozondi. Jamoa a'zolari o'ziga xos tayyorgarlik va jamoaviy ish ko'rsatishdi, bu esa raqiblaridan ustun turish imkonini berdi.
G‘oliblarni taqdirlash marosimi tantanali ruhda o‘tdi, unda akademiya vakillari, talabalar va o‘qituvchilar ishtirok etdi. MIMA Team jamoasi diplom va qimmatbaho sovg‘alar bilan taqdirlandi.
– G‘alabamizdan g‘ururlanamiz, – deydi “MIMA Team” jamoasi sardori, “Huquq” yo‘nalishi 2-kurs talabasi Solijonova Sarvinoz – O‘yin bizdan qiyin kechdi lekin biz g‘alaba qozonishga ahd qilgan edik ”.
Mehnat va ijtimoiy munosabatlar akademiyasi o‘yinning barcha ishtirokchilariga ishtiyoqi va faol ishtiroki uchun o‘z minnatdorchiligini bildiradi. Intellektual o‘yinlar nafaqat dunyoqarashni kengaytirib, bilimlarni sinab ko‘radi, balki jamoaviy ruh va tanqidiy fikrlashni rivojlantirishga ham xizmat qiladi.
Mehnat va ijtimoiy munosabatlar akademiyasi matbuot xizmati
