Joriy yilning 31 yanvar kuni O‘zbekiston Respublikasi Prezidentining O‘zbekiston Respublikasining Birinchi Prezidenti Islom Abdug‘anievich Karimovning xotirasini abadiylashtirish to‘g‘risidagi PQ-2744-sonli qarori bijrosini ta’minlash maqsadida Akademiyaning Axborot-resurs markazida Yoshlar masalalari va ma’naviy ma’rifiy ishlari bo‘limi bilan birgalikda Birinchi Prezidentimiz Islom Abdug‘anievich Karimovning xotirasiga bag‘ishlab “Doim qalbimizdasiz!” nomli davra suhbati o‘tkazildi.
Davra suhbatini ochib bergan Yoshlar masalalari va ma’naviy-ma’rifiy ishlari bo‘yicha prorektor A.X. Mirzadjanov mustaqil O‘zbekiston davlatining asoschisi, buyuk davlat va siyosat arbobi, o‘zbek xalqining ulug‘ va ardoqli farzandi, mamlakatimizning Birinchi Prezidenti Islom Abdug‘anievich Karimov Vatanimizni mustabid tuzum qaramligidan ozod qilib, halokat yoqasiga kelib qolgan yurtimizni qayta tiklaganligi, buyuk yo‘lboshchimiz g‘oyat qaltis va tahlikali bir vaziyatda og‘ir qiyinchiliklar va sinovlarga qaramay, tarixan qisqa davrda O‘zbekistonni jadal va barqaror sur’atlar bilan rivojlanayotgan zamonaviy demokratik davlatga aylantirganligini ta’kidladi.
Shundan so‘ng, 101-guruh talabasi Sherbo‘taeva Munira ijrosida “Xotira o‘chmagay” she’ri, 114-guruh talabasi Berdiqulov Sunnatillo ijrosida O‘zbekiston xalq shoiri Abdulla Oripovning Islom Karimov xotirasiga bag‘ishlab yozgan marsiyasi o‘qib eshittirildi.
So‘ngra sirtqi bo‘lim dekani A.L. Hakimov, Ma’naviy-ma’rifiy ishlari bo‘limi uslubchisi N.S. Eshpulatovalar ham so‘zga chiqib, birinchi Prezidentimiz I. A. Karimov haqida o‘zlarining iliq fikrlarini bayon qildilar, va yana talabalar ijrosida she’rlar, I. A Karimov haqida fikrlar tinglandi. Davra suhbati so‘ngida Islom Karimovning bolalik va o‘smirlik yillari haqida videofilm havola etildi.
