Касаба уюшмалари тизимида кадрлар тайёрлаш тизимида яқиндан ҳамкорлик қилиш масалаларини муҳокама қилиш мақсадида Санкт-Петербург касаба уюшмалари гуманитар университети делегацияси Тошкент шаҳрига ташриф буюрди.
Россиялик меҳмонлар ташриф давомида Меҳнат ва ижтимоий муносабатлар Академиясида яратилган шарт-шароитлар, жумладан, талабалар учун яратилган шарт-шароитлар, аудияториялар ва спорт мажмуаларида яратилган имкониятлар билан бевосита танишишди.
Шунингдек, меҳмонларга Академияда талабаларнинг дунёқарашини бойитиш, уларнинг бўш вақтларини мазмунли ташкил этиш борасидаги ишларга доир маълумотлар тақдим этилди. Меҳмонлар Академияда яратилган шарт-шароитлар ва амалга оширилаётган ишларга юксак баҳо беришди.
Шунингдек, меҳмонлар Тошкент шаҳрининг диққатга сазовор жойлари билан танишишди.
