2024 йил 27 ноябр куни Ўзбекистон касаба уюшмалари Федерацияси Меҳнат ва ижтимоий муносабатлар Академиясида “Маърифат улашиб” лойиҳаси доирасида навбатдаги ижодий учрашув ташкил этилди. Ушбу ижодий учрашувда ёзувчи Нурали Қобул ва шоира Гулчеҳра Ибрагимова иштирок этиб, талабалар билан яқиндан суҳбат қуришди.
Ушбу тадбирни ташкил этишдан асосий мақсад талабаларнинг маънавий дунёқарашини шакллантириш, улар ўртасида китобхонлик ва китоб мутолаасини оммалаштириш, таниқли ёзувчи ва шоирларнинг ижоди билан талабаларни яқиндан таништиришдан иборат саналади.
Ижодий учрашув давомида талабалар томонидан адибларнинг ҳаёти ва ижодига доир, шунингдек, бугунги ижодий жараёнлар, ижод жараёнининг ўзига хос жиҳатларига доир саволлар беришди.
Меҳнат ва ижтимоий муносабатлар Академияси ҳамда "“Yuridik adabiyotlar publish” нашриёти ҳамкорлигида ташкил этилган китоблар ярмаркаси ушбу тадбирга алоҳида жозиба бағишлади.
