Пойтахтимиздаги “Чинобод плаза” санаторийси ҳудудида янги барпо этилган “Ўзбекистон касаба уюшмалари Мажлислар зали”да 11 ноябр – Ўзбекистон Касаба уюшмалари куни муносабати билан кўп йиллардан бери мамлакат касаба уюшмалари тизимида меҳнат қилиб, бугунги кунда ҳам ёш авлод камолотига муносиб ҳисса қўшиб келаётган касаба уюшма фахрийлари билан учрашув бўлиб ўтди.
Унда Ўзбекистон касаба уюшмалари Федератсияси , унинг тармоқлари ва Республикамиз ҳудудларидан ташриф буюрган касаба уюшма фахрийлари, Федератсия томонидан ўтказилган қатор танловлар ғолиблари иштирок этди ва албатта бизни қувонтиргани , Академиямизда таълим олувчи 3- курс 106-гуруҳ талабаси Максудова Нигора Абдулла қизи "Йилнинг энг намунали талабаси" номинациясида ғолиб бўлиб эсдалик совғалари билан тақдирланди. Академия бундай талабалар билан фархланиб, ютуқлари бардавом бўлишига ишонади!