Mehnat va ijtimoiy munosabatlar Akademiyasi vakili Dushanbe shahrida oʻtkazilgan xalqaro forumda ishtirok etdi
Joriy yilning 13–18-oktyabr kunlari Tojikiston Respublikasi poytaxti Dushanbe shahrida Tojikiston xalqaro turizm va tadbirkorlik universiteti mezbonlik qilgan “Barqaror turizm va madaniy meros” mavzusidagi xalqaro forum boʻlib oʻtdi.
Unda Mehnat va ijtimoiy munosabatlar Akademiyasi Ilmiy tadqiqotlar, innovatsiyalar va ilmiy-pedagogik kadrlar tayyorlash boʻlimi boshligʻi G.A. Sattikulova ishtirok etdi.
Forum doirasida quyidagi muhim masalalar muhokama qilindi:
Turizmni barqaror rivojlantirish va madaniy merosni asrab-avaylash;
Tadbirkorlikni qoʻllab-quvvatlash va inson kapitalini rivojlantirish;
Taʼlim sohasida xalqaro hamkorlikni kengaytirish.
Shuningdek, tadbir dasturidan xalqaro konferensiyalar, davra suhbatlari va amaliy mahorat darslari oʻrin oldi. Mazkur xizmat safari ilmiy-taʼlimiy aloqalarni yanada mustahkamlash, xorijiy taʼlim muassasalarining ilgʻor tajribasini oʻrganish hamda istiqbolli hamkorlik yoʻnalishlarini belgilab olishga xizmat qiladi.
